NEWS: SITUAZION DL’ERUZION DL VULCAN A GOMA

 

L ie tert domesdì via, ai 22.05.2021, canche l vulcan Nyiragongo a nord de Goma sbroca ora. La persones dla zità de Goma, che cumpëida ca. 2 milions de abitanc, scumencia a mucé tla ziteies y ti paejes ntëurvia, ma ënghe tl stat cunfinant Ruanda.

 

Ai 23.05.2021 se fërma l’eruzion dl vulcan. Purempò ie l sbruché ora dl vulcan acumpanià da tremoc, che porta for inò a nueva scassedes te zità y fej truep danns. Do l’eruzion ie la persones ruvedes de revieres te zità, ma i messova for inò se n jì per via di tremoc. La guaja di tremoc ie la lava, che se chier si streda sota tiera. Sëuraprò toma cënder da tuesse sëura la zità y si ntëurvia. A chësta maniera ne n'iel nia puscibl maië la verdura che ie unida zidleda. Tl lech Kivu manacia de stlupé butles de gas de metan.

 

Ai 27.05.2021 detlarea l gurnadëur de Goma mesa zità coche raion cun n aut putenzial de risia y damanda l’evacuazion de chesta zones, do na ancunteda cun na grupa de esperc de vulcans. Ntan l di à mo n iede ngrum de jënt lascià la zità. La banches ie stlutes y a chesta maniera ie la majera pert di muciadives per streda, zënza scioldi. Tl ntëurvia ne n'iel tan che deguna pusciblteies de tò su duta la jënt che mucia. L pericul de epidemies ie grant.

 

Abinon adum aiuc per la jent de Goma, per ti judé te chesta situazion datramp ria
IBAN:
IT81P0823858860000301070835
MOTIF: eruzion vulkan

DE GRA